|
|
|
Прва Македонска карате лига |
На 06.12.2009 година во Кале со почеток во 11,00 часот ќе се одржи првиот турнир од Првата Македонска карате лига. Во лигата ќе учествуваат следните клубови: КК Макпетрол-Скопје, КК Металург-Скопје, КК Самурај-Скопје, КК Партизан-Штип, КК Македонка-Штип, КК Цветан Димов-Скопје и КК Тигар-Скопје.
Во првиот дел од карате лигата ќе се одржат следните натпревари:
Прво коло:
Македонка (Штип)-слободна
Макпетрол (Скопје)- Тигар(Скопје)
Цветан Димов (Скопје)- Металург (Скопје)
Партизан ( Штип)- Самурај (Скопје)
Второ коло
Самурај (Скопје)-слободен
Металург(Скопје) - Партизан (Штип)
Тигар(Скопје)- Цветан Димов(Скопје)
Македонка (Штип)- Макпетрол(Скопје)
Трето коло
Макпетрол(Скопје)-слободен
Цветан Димов(Скопје)- Македонка(Штип)
Партизан (Штип)- Тигар(Скопје)
Самурај(Скопје)- Металург(Скопје)
Четврто коло (прв дел)
Металург(Скопје)-слободен
Тигар(Скопје)- Самурај(Скопје)
Вториот турнир од карате лигата ќе се одржи на 20.12.2009 година. |
|
|
Светско првенство за кадети, јуниори и јуниори до 21 година |
|
На Светското првенство за кадети, јуниори и јуниори до 21 година, што се одржа од 12 до 15 ноември 2009 година во Рабат, Мароко, најуспешен беше репрезентативецот Мартин Петрески. Тој во категоријата кадети, кумите -70 кг., го освои петтото место. Мартин Петрески во прво коло го победи со резултат 3:2 на натпреварувач од Јужна Африка, второ коло победа над натпреварувач од Србија со 7:2, трето коло победа на натпреварувач од Америка со резултат 0:0, и судиско изјаснување за Мартин, четврто коло пораз од натпреварувач од Франција со 1:0. Репасаж и борба за трето место пораз од натпреварувачот од Мароко со резултат 0:0 и изјаснување на судиите за натпреварувачот од Мароко.
Од другите преставници забележителен настап имаше Мартин Несторовски во категоријата јуниори -21 година, кумите +78 кг., кој во во прво коло го победил репрезентативецот на Словенија со 3:0, следно коло победа на натпреварувач од Словачка со резултат 3:2, потоа побeда со натпреварувач од Шпанија со 1:0, пораз од натпреварувач од Белорусија со 0:1. Мартин Несторовски немаше репасажни борби, бидејќи натпреварувачот од Белорусија не се пласира во финале.
Две победи извојува Тодор Ристевски, категорија кумите -61кг.
Симона Заборска категорија кадет -47 к., Горан Василевски, категорија јуниори +76 кг., и Николче Мирчески категорија кадет -57кг. Дејан Ристевски, категорија јуниори -21 година, кумите -68кг. и Стефан Андов категорија јуниори до 21 година -78кг. извојуваа само по една победа.
Кадетите Бојан Јовановски -63кг., Теодора Бошкоска -54кг., јуниорите: Емил Павлов -55кг., Дејан Црничиќ -68кг. како и Европскиот шампион Берат Јакупи -76 кг., беа елиминирани во првото коло.
На Светското првенство учествуваа 1144 натпреварувачи од 82 земји. За време на Светското првенство се одржа полагање на судии со Светска лиценца на кое што нашиот светски судија Златко Димоски ја обнови својата лиценца во кати.
Македонската експедиција од Светското првенство во Македонија се враќаат на 19.11.2009 година. |
|
Тематска седница на Собранието на КФМ |
|
Карате федерацијата на Македонија на 31.10.2009 година (сабота), со почеток во 10 часот одржа седница на Собранието со следниот:
ДНЕВЕН РЕД 1. Разгледување и усвојување на:
· Записникот од седница на Собрание на КФМ, одржана на 21.02.2009 година;
· Записникот од Вонредна седница на Собранието на КФМ, одржана на 06.06.2009 година. 2. Извештај за работата на Извршниот одбор и работните тела на Извршниот одбор. 3. Извештај-Карате академија. 4. Тематска дискусија во врска со критериумите за избор на репрезентативци. 5. Прием на нови членови. 6. Разно-предлози, прашања. На седницата на Собранието од вкупно 65 членки со право на глас, присуствуваа делегати од 47 клубови. Делегатите на Собранието по разгледување на материјалите од точките 1,2,3 (кои беа претходно доставени), донесоа едногласни одлуки за нивно усвојување.
Главна поента на Собранието беше тематската расправа по материјалите (изготвени од м-р Назим Куртовиќ и Златко Димоски, кои беа претходно доставени), а кои се однесуваа на утврдување критериуми за избор на репрезентативци во карате спортот. Во опсежната дискусија, во која учествуваа повеќе дискутанти, едногласно, беше подржана потребата за утврдување критериуми за избор на репрезентативец во рамки на Федерацијата, со што би се објективизирал изборот на репрезентативци, кој би се темел врз основа на постигнати резултати на спортистот, а не врз основа на субјективни критериуми.
Собранието донесе едногласен заклучок дека материјалите доставени за расправа начелно се прифаќаат. Во рок од 10 дена од страна на клубовите, членки на КФМ, да се достават соодветни предлози, кои би ги разгледале изготвувачите на материјалите и би ги вклучиле во конечната верзија.
По спроведената процедура Извршниот одбор ќе донесе правилник за утврдување на критериуми за избор на репрезентативец.
Собранието едногласно го прифати предлогот на Извршниот одбор за прием на нови клубови и ги прими следните клубови: КК Сенсеи те-Кубо-Велес, КК Бучим Феникс-Радовиш, КК Ипон-Кочани и КК Олимпик спорт 2007-Скопје. |
|
Награден карате турнир за деца |
|
Карате федерацијата на Македонија, согласно усвоениот Календар за натпревари во 2009 година, на 31.10. 2009 год. (сабота) и 01.11.2009 година (недела) ќе организира награден карате турнир за деца во борби и кати.
Котизација за учество на Карате првенството за деца нема да се наплатува...
За освоено прво место следува награда-оргинал кимоно хомогализирано според правилата на EKF и WKF. |
Полагањето на испитот за тренери, ќе се одржи на 1.11.2009 година (недела), во просториите на Универзитетот за туризам и менаџмент, Општина Карпош, Скопје со почеток во 10:00 часот. Учесниците кои што оправдано ќе бидат спречени да полагаат, испитот може да го полагаат на 8.11.2009 година (недела), во просториите на Универзитетот за туризам и менаџмент, Општина Карпош, Скопје со почеток во 10:00 часот. Испитот нема да го полагаат учесниците на Карате академијата кои имаат завршено Факултет за Физичка култура или Виша тренерска школа од областа на карате. За подетални информации во врска со полагањето обратете се на Проф. Д-р Александар Туфекчиевски, тел. 070/210-824. Материјали од предавањата на Карате академијатаПредавања-Назим Куртовиќ |
|
|
<< Старт < Prev 1 2 3 4 5 6 7 Следно > Крај >>
|
|
Страна 1 од 7 |
|
|
За каратето... |
| „Суштината на карате вештината не е во победата или поразот, туку во создавањето на карактерот на каратистот„ -Gichin Funakoshi |
|
|
|
|
