Покрај успешните настапи во дисциплината кати индивидуално на песок, каде што беа освоени бронзени медали, македонските репрезентативки продолжија со одлични резултати и во тимската конкуренција.
На вчерашниот тимски настап во кати, во состав Владанка Аврамова, Данка Стојкова и Тамара Ристовски, беше освоен уште еден бронзен медал на Медитеранското првенство што се одржа од 12 до 14 септември во Гвадалахара, Шпанија.
Овој нов успех е потврда за квалитетот и континуитетот на нашите натпреварувачи во дисциплината кати, кои со својата посветеност и борбеност го претставуваат македонското карате на највисоко ниво.
Карате федерацијата на Македонија им упатува искрени честитки на Аврамова, Стојкова и Ристовски како и на нивниот тренер Ивана Аврамова за освоениот тимски медал.
