< назад

КФМ настапи на европско првенство во Пореч, Хрватска

Македонската карате репрезентација не успеа да оствари борби за медали на 56. Европско првенство во Пореч. Нашата најголема надеж Емил Павлов неочекувано загуби уште во 1 коло, од Павле Дујаковиќ БиХ со 3:5 на поени. Неколку наши претставници остварија победи во своите настапи, но тоа не беше доволно за позначајни резултати. Во борби Симона Заборска во -55кг ја совлада Папа од Грција со 1:0 а во 2 коло победи и една од фаворитките, Туба од Турција со 4:2. Во 3 коло убедливо загуби од Русинката Чернишова до 0:8 но доби можност во репасаж, каде што минимално беше поразена од Црногорката Максимовиќ со 0:1.
Покрај нив, уште неколку наши претставници во борби имаа по една победа и пораз и тоа поранешните европски шампиони во У21, Доан Османи до 75кг и Петар Спасеновски-84кг. Кај девојките ист учинок имаа Ангела Мојсовска во -61 и Симона Симовска во +68 кг. Машкиот беше поразен од шпанците додека женскиот тим загуби од италијанките.

Во кати искусната Пулексенија Јованоска стигна до 2 рунда и се пласираше на 11 место, а до 2 фаза стигна и дебитантот Александар Неделковски кој на крајот е 13ти. Екипно машкиот ката тим 9-ти, а допрва се очекуваат натпреварите во екипно борби, мажите против Шпанија, додека девојките против Италија. 
На ЕП и покрај кризата со коронавирусот настапуваат 513 натпреварувачи од 47 земји. Ова е последен значаен настан пред Олимписките квалификации, кои ќе се одржат од 11-13 јуни во Париз.